Sorteo de bolsas do 50% de desconto para programas de formación en Galicia Business School
En virtude do convenio do Colexio Profesional de Xornalistas de Galicia con Galicia Business School, os colexiados e colexiadas poden presentarse até o 30 de decembro a un novo sorteo de medias bolsas (dun 50% de desconto sobre o prezo total) para profesionais en activo nos programas de formación desta escola.
As medias bolsas poden aplicarse nos seguintes programas de postgrao de Galicia Business School: Programa Superior Márketing Dixital, DBA: Diploma in Business Administration, MBA: Máster Profesional en Administración de Empresas e Diploma Profesional en Márketing Dixital.
Para participar no sorteo é necesario inscribirse até o 30 de decembro neste formulario. Haberá unha persoa gañadora e 3 suplentes en cada programa de postgrao. As persoas gañadoras terán 48 horas para aceptar a bolsa desde a comunicación dos resultados.
Para resolver calquera dúvida sobre estes programas, podes contactar con Galicia Business School no correo info@galiciabusinessschool.es ou no teléfono 886 317 146.
Podes acceder ao catálogo de descontos e servizos especiais para colexiadas e colexiados a través deste enlace. Para poder ver os códigos de descontos e outras características de cada convenio, cómpre entrar na páxina co teu usuario e contrasinal. Se aínda non dispós das claves para acceder, podes solicitalas no enderezo xornalistas@xornalistas.gal ou no teléfono 981 935 670.
CPXG