Como noutras ocasións (o asasinato de Santiago Oleaga ou a agresión contra Gorka Landaburu) debemos chamar, máis unha vez, a atención da cidadanía sobre a necesidade de rexeitar calquera agresión ou acción intimidatoria para coa comunicación en libertade e para a libertade mesma.

Expresamos no nome do xornalismo galego a solidariedade con José María Alemán e co plantel de xornalistas e traballadores de El Diario Vasco, convertidos dun tempo a esta parte en obxectivo do terrorismo etarra.

Facemos nosas as palabras do Goberno Vasco que condenou este novo ataque terrorista como "unha mostra de fanatismo e intolerancia".

Santiago de Compostela, 29 de Agosto do 2001.