A Fiscalía exipcia vai xulgar a unha xornalista por facer unha reportaxe sobre a tortura nos cárceres do país
A Fiscalía da Seguridade do Estado exipcio sentenciou que a xornalista da canle de televisión Al Jazeera Huwaida Taha debe responder ante un tribunal penal por preparar unha reportaxe sobre a tortura nos cárceres de Exipto.
Segundo informou onte o diario estatal exipcio Al Ajbar, a reporteira será procesada polos cargos de "realizar actividades que poden danar os intereses nacionais mediante a divulgación de falsos rumores sobre a situación interna" do país.
A fiscalía puxera a Huwaida en liberdade despois do pagamento dunha fianza de 10.000 libras exipcias (uns 2.000 dólares), tras ter confiscado o material co que pretendía editar a reportaxe e tela detido para abrir unha investigación sobre o asunto.
A prensa exipcia xa publicou varias denuncias relacionadas coa práctica da tortura nas comisarías de Exipto, e varios 'bloggers' exipcios colgaron nas súas páxinas imaxes de abusos e agresións levadas a cabo pola Policía.
A este respecto, o diario independente Al Masri Al Yum informou de que cen membros da organización radical islámica Yihad detidos no cárcere de Wadi Al Natrun, ó norte de O Cairo, presentaron á fiscalía xeral unha denuncia na que protestan pola tortura e os malos tratos que reciben por parte dos oficiais do cárcere.
Segundo o rotativo, os asinantes denuncian que os presos políticos, e especialmente os islamistas, sofren malos tratos, entre os que citan a obriga de se espir antes de ser golpeados e insultados, de ter unha soa comida ó día, das malas condicións das celas, ou do trato que reciben as súas familias.
O CAIRO
ESTRELLA DIGITAL / EFE
A fiscalía puxera a Huwaida en liberdade despois do pagamento dunha fianza de 10.000 libras exipcias (uns 2.000 dólares), tras ter confiscado o material co que pretendía editar a reportaxe e tela detido para abrir unha investigación sobre o asunto.
A prensa exipcia xa publicou varias denuncias relacionadas coa práctica da tortura nas comisarías de Exipto, e varios 'bloggers' exipcios colgaron nas súas páxinas imaxes de abusos e agresións levadas a cabo pola Policía.
A este respecto, o diario independente Al Masri Al Yum informou de que cen membros da organización radical islámica Yihad detidos no cárcere de Wadi Al Natrun, ó norte de O Cairo, presentaron á fiscalía xeral unha denuncia na que protestan pola tortura e os malos tratos que reciben por parte dos oficiais do cárcere.
Segundo o rotativo, os asinantes denuncian que os presos políticos, e especialmente os islamistas, sofren malos tratos, entre os que citan a obriga de se espir antes de ser golpeados e insultados, de ter unha soa comida ó día, das malas condicións das celas, ou do trato que reciben as súas familias.
O CAIRO
ESTRELLA DIGITAL / EFE