Biografía

María Cuadrado naceu en 1974 en Foz, na Mariña. É licenciada en Xornalismo pola Universidade de Santiago de Compostela e exerceu todo o seu labor profesional en La Voz de Galicia. Comezou a súa carreira xornalística nas corresponsalías de Ribadeo e Vilalba-Terra Chá antes de traballar na delegación de Lugo. Desde mediados do 2007 traballa na delegación da Mariña Lucense e do Occidente asturiano, onde leva varias seccións ademais de integrar o equipo do portal Somos Agro.